Chenabura, su 9 de cabidanni in sa bibliotecate de su comune de Uri (SS), Su Sindigu Dott. Gennaro Galzerano at dadu su via a sas duas dies de dibatidu subra sa Limba Sarda tra istudiosos e literados de s'universidade de Thatari e sa zente acudida pro s'avenimentu. Su sindigu at poi presentadu su trabagliu, numenadu in pregetu: Giogos e Contos. Trabagliu chi sa Consulta pro sa Limba e sa Cultura Sarda 'ARVADA', chi rapresetat sos Comunes de Uri, Carzeghe, Condronzanus, Florinas, S'Ulumedu, Ossi, Piaghe, Tissi, Potuvigari e Usini, an imprentadu in unu liberu tituladu cun su matessi numene de su progetu: Giogos e Contos. 

Liberu chi est una regolta de contos, paristorias, pregadorias, dicios, cantones e sos giogos chi faghian divertire sa zente paritzos annos como. Sun intervennidos e an abertu su dibatidu: su Retore de s'Universidade de Thatari Prof. Attilio Mastino, Prof. Dino Manca e Prof Giovanni Lupinu, ambos, professore in sa facultade de Literadura e Filosofia de s'Universidade. Fit presente e est intervennida in su dibatidu sa Dott.ssa Maria Antonietta Mongiu archeologoga, e impignada in politica in sa giunta de su Presidente Soru, e Dott. Mario Mossa, giornalista de sa Rai in Sardigna e chi at moderadu sos interventos.

Clicade sa fotografia pro l'ismanniare, Clicade su numene o s'iscritura pro abbaidare su filmadu.