Dominiga, su 20 de Lampadas, in su salone “Aligi Sassu” in Thiesi, est bistada fata sa premiatzione de su cuncursu de Literadura Sarda “Seunis” chi at contadu ocannu sa XV editzione intreghendela a Totoi Uneddu, poeta naschidu in Thiesi in su 1903 e de su cale, Paulu Pillonca nd’at ammentadu sa biografia e legidu pegas poesias. Sa giuria

fit cumposta dae su presidente Prof. Nigola Tanda e dae sos cumponentes Clara Farina, Tonino Rubattu, Salvadore Tola, Istevene Ruju e Peppinu Lintas. Su segretariu fundadore, Antoni Serra, at ringratziadu sa giuria e sos poetas chi comente ogni annu an partecipadu numerosos dae ogni parte de Sardigna. Fin presentes a sa tzerimonia su Sindigu,  s’Assessore a sa cultura de Thiesi e su segretariu de su premiu de Otieri Antoni Canalis. Clara Farina, cun sa simpatia de sempre, at presentadu poetas e autoridades. 

Clicade sa fotografia pro l'ismanniare, clicade su numene pro 'idere su filmadu.