| Non ti timo pius amiga note,ne timo cantu mustras o costois;non pesat su chi negas e controis,ne cantu mi cuntzedis o propones;atzeto su chi porris e imponesin sas oras chi tue as in dote. Foltzis ca tue sola, su reposuconnosches e, serena lu manizas,e si puru a sa morte l’assimizasest issu chi a sa vida dat alenu,in pasidas iscutas de assulenuue s’iscuru est de sa lughe isposu. Ma est cando su sonnu si retirat chi s’iden sos valores chi detenes:cando in s’aera mustras e trateneslughes de s’universu iscunfinadu,e in terra, su mundu ingalenaduchi pasat, pregat, amat e suspirat. E s’intenden, puite las cumpones,melodias chi sa die covocat;sonos connotos chi sa mente invocatche frades in su tou mundu arcanu.Non ses de timere, ca nudda est vanuin su dissignu ch’a sa die opones. Non ses mama ’e pantasimas ch’in bolucun sas umbras si moven e muizan,a chie est pessighidu terrorizanma sun fizos de chie los pessighit,fizos de chie curret e prosighitchentza paghe o amore ne consolu. Est a su mundu chi tue cumandaschi dies bonas e malas recuin;arrivin e, mancu ischin ite fuin,ma est in tegus ch’agatan amparu;poi, s’incrasa presentan in giaruumbras noas, chi tue muda abbandas. Franco Piga (Romana ‘SS’) su 5 de abrile 2009 |
Poesias in Rima 
Amiga note
Gioja su 01 de Abrile 2010 17:34 | 
| 
