Su Situ
Ateras Cosigheddas
Ultimas Publicadas
Comunicatziones
A cosa Serve Registrarsi

La registrazione nell'area riservata in questo sito non offre molto, a parte la possibilità di avere a disposizione strumenti che il normale visistatore non ha, come vedere sezioni non pubbliche, la possibilità di... Leggi tutto...

Segnalazioni e Disclaimer

Segnalazioni

Nel caso in cui abbiate rilevato degli errori e/o inesattezze, segnalatelo tramite il modulo "Imbia Una E-mail" - si... Leggi tutto...

Fotografias de sos Poetas

De paritzos Poetas Sardos, sos matessi chi cuncurrene in sos Premios Literarios de Sardigna, apo fatu una regolta de fotofrafias seberadas in totu sos articulos chi... Leggi tutto...

Paginas e Articulos

Potet capitare chi un'articulu iscumparit da-e sa prima pagina. Los apo movidos pro faghere logu a sos ateros chi manu-manu benin aprontados. Cherinde, lo podides agatare in sa setzione 'Totu sos Articulos'. Si... Leggi tutto...

Ses in: Home Poesias in Rima Ite t’apo a lassare?

PostHeaderIcon Ite t’apo a lassare?

PostDateIconGioja su 01 de Abrile 2010 17:33 | Stampa | E-mail
 
Cun sas manos carignas custa cara
e in benujos mi ballas e ries,
poi in pabilu pintas e iscries
contos innotzentes de criadura,
e caddos mariposas e natura
lean vida in su tou nara-nara.
 
Tando, cun tegus benzo in allegria
e so atentu a cantu mi presentas:
a su mundu ue seria argumentas
ca totue est bellesa o est ispantu.
Mi goso e so cuntentu in cust’incantu
ue est padronu giogu e armonia.
 
Poi, pasidu, benit e t’agatat
su reposu serenu de pitzinna,
pasan lapis, colores e sa pinna
in paginas chi naran de siddados,
janas, reinas, majalzos fadados
in su contu chi solu amore tratat.
 
E como chi a tie an postu fatu
e su presente meu leat logu;
finit sa fantasia de su giogu
chi cun tegus, a mie at consoladu.
Torro a su tempus meu atediadu
ue est regula pena e disbaratu.
 
Ma, de su ch’apo imparadu e coglidu,
ite t’apo a lassare, fiza mia?
Peraulas de paghe e seguria
pro custu mundu ch’amos aprontadu?
Est pagu su chi t’apo iscritu e nadu
ma siat pro te semene ingranidu.
 
E s’est babbu transìdu, assuconadu
sias tue segura e pius forte.
Ma como drommi, isetala sa sorte
sa chi pro tè, a Deu so preghende,
e tue, chi a sa vida ses bolende,
sias grata ’e su donu chi t’at dadu.
  
Franco Piga (Romana ‘SS’) su 24 de maltu 2009
< Prec.   Succ. >
 
Passiza-Passiza
Paginas in Evidentzia
Ultimas pius Legidas

Copyright Franco Piga 2012. .