| In s’Aspru, Sos Lacheddos e Trijadache banduleris b’amos fatu iscolas;in Serras, in sa Ruta e Sas Alzolaspuru in sa Coa Longa e Meriaga. De Santu Jolzi, s’Adde ’e Tobiase de Pibirra, Su Padru e Sinnadolzu,nd’ischimis ogni pedra e abbadolzucomente in Sas Luzanas e Faias. Da-e Santu Lussulzu a Pedra Moddepro torrare a Cannalza e Sa Pontija,fit unu brincu, unu ’olu ’e peldija,arestes che polcrabos o che grodde. E in istiu, su Poju de Trazae de sa Colcorija, fin che mare,adatos pro su jogu e pro nadarecun ispiagias de rocas e de paza. E cantos, cantos logos apo in mente:sa cheja de Santa Maria Ispidale,sas funtanas de s’Abba Mineraleconnotas che Mudeju o Abbajghente. Montiju, Sa Pigalva e Badde LeiSu Gatari, Abbaìa e Badde Laducun Chilcios e sa Punta ’e su Siddaduchi faghimis suerados peibèi. E Falches, Melas, Putu Amoradu,o sighinde ’e su Temo sas ispundas,e che crabolos brinchende in sas rundasde Monte Majore e Monte Airadu. Cun Badde Zelo e sa Tanca ’e su Lizucustos ammentos abberu su cumpridos,ma b’est ancora sa Roca ’e sos Bandidoscussa chi nd’an betadu a pizu-pizu. E Santu Jagu fia coizende,Badde Mudascu, Sas Somas e Putos,Toporo cun Tilondra e Sos Cugutose calc’ateru nde so ammentende. |
Sa Roca ’e Mariutza e Tanca Noas’Ispina Santa cun s’Ischerealzu,Binza ’e su riu e su Tirialzu…ma, como bastat… fino custa proa. Ca si pro jogu l’apo comintzadacomo mi pesan totu sos ammentos,bido logos, campagnas e chimentosde un’era chi, muda ch’est andada. E cando passo, a boltas fue-fue,paret sa zente sempre miminende;a unu a unu, totu sun andendemudos, fatu ’e su fadu, a pesarue. Sas giannas chi totue ’ido serradaschentza lughe in balcones e janniles,paren ch’an consumidu beranilesche alvures de fozas ispozadas. E paret chi niunu epan lassaduin cussas mindas, tancas e cunzados,cuddos chi oramai ingalenadoscustos logos an tando atraessadu. Perdona Romana sa malinconiama, si cheret che sorre in su pensare;cando, a sa mente chi cheret bolare,si presentat, chilchende cumpagnia. Franco Piga (Romana ‘SS’) su 16 de Nadale 2009. |
Modas e Modellos 
Logos de ’idda
Gioja su 01 de Abrile 2010 17:51 | 
| 
